ശ്രീനഗര്: ജമ്മു കശ്മീരിലെ ദോഡ ജില്ലയില് സൈനിക വാഹനം കൊക്കയിലേക്ക് മറിഞ്ഞ് ഉണ്ടായ അപകടത്തില് 10 സൈനികര് മരിച്ചു. വാഹനം റോഡില് നിന്ന് തെന്നി കൊക്കയിലേക്ക് മറിഞ്ഞതാണ് അപകടത്തിന് കാരണമെന്ന് അധികൃതര് പറഞ്ഞു.
ഭാദേര്വ-ചമ്പ അന്തര്സംസ്ഥാന റോഡിലെ ഖന്നി ടോപ്പിലാണ് അപകടം നടന്നത്. 17 സൈനികരെ വഹിച്ചുകൊണ്ടുള്ള ബുള്ളറ്റ് പ്രൂഫ് ആര്മി വാഹനം നിയന്ത്രണം നഷ്ടപ്പെട്ട് 200 അടി താഴ്ചയുള്ള കൊക്കയിലേക്ക് മറിയുകയായിരുന്നു. പരിക്കേറ്റവര് ഗുരുതരാവസ്ഥയില് എന്നാണ് റിപ്പോര്ട്ട്.