പ്രശസ്ത പിന്നണി ഗായിക എസ്. ജാനകിയുടെ ആരോഗ്യനിലയെക്കുറിച്ച് തെറ്റായ വിവരങ്ങൾ പ്രചരിക്കുന്നത് ശ്രദ്ധയിൽപ്പെട്ടിട്ടുണ്ടെന്നും അവർ ആരോഗ്യവതിയായി ഇരിക്കുന്നുവെന്നും കുടുംബം.
മകന്റെ വേർപാടിൽ എസ്. ജാനകി അതീവ ദുഃഖത്തിലാണെങ്കിലും അവരുടെ ആരോഗ്യനിലയെക്കുറിച്ച് ആശങ്കപ്പെടേണ്ട സാഹചര്യമില്ലെന്ന് കുടുംബം അറിയിച്ചു.
കുടുംബത്തിന് പുറത്തുള്ള വ്യക്തികൾ നൽകുന്ന വസ്തുതാവിരുദ്ധമായ വിവരങ്ങൾ മാധ്യമങ്ങളും പൊതുജനങ്ങളും ഏറ്റെടുക്കരുതെന്ന് കൊച്ചുമകൾ അപ്സര അഭ്യർത്ഥിച്ചു.
കുടുംബത്തിന്റെ സ്വകാര്യതയെ മാനിക്കണമെന്നും ഊഹാപോഹങ്ങൾ പ്രചരിപ്പിക്കുന്നത് അവസാനിപ്പിക്കണമെന്നും കുടുംബം ഔദ്യോഗിക കുറിപ്പിലൂടെ അറിയിച്ചു.