ദില്ലി: നിയമസഭ തെരഞ്ഞെടുപ്പില് അതി വേഗം സ്ഥാനാർത്ഥികളെ നിർണ്ണയിച്ച് പ്രചരണത്തിലേക്ക് കടക്കുക എന്ന ലക്ഷ്യവുമായാണ് കോൺഗ്രസ് മുന്നേറുന്നത്.
സ്ഥാനാര്ത്ഥി നിര്ണ്ണയം യുദ്ധകാലാടിസ്ഥാനത്തില് പൂര്ത്തിയാക്കി വേഗത്തില് പ്രചാരണത്തിലേക്ക് കടക്കാനാണ് ഹൈക്കമാന്ഡ് നിര്ദേശം.
ആദ്യ പടിയായി മധുസൂദന് മിസ്ത്രി ചെയര്മാനായ നാലംഗ സ്ക്രീനിങ് കമ്മിറ്റി നടപടികള് തുടങ്ങുകയാണ്. ചൊവ്വ, ബുധന് ദിവസങ്ങളിലായി തിരുവനന്തപുരത്ത് മിസ്ത്രി നേതാക്കളെ കാണും. സിറ്റിങ് സീറ്റുകളിലും തര്ക്കമില്ലാത്ത ഇടങ്ങളിലും ആദ്യം സ്ഥാനാര്ത്ഥികളെ നിശ്ചയിക്കും. ആദ്യ പട്ടിക ജനുവരി അവസാനത്തോടെ പുറത്തു വിടാനാണ് ആലോചന.
ഫെബ്രുവരി പകുതിയോടെ മുഴുവന് സ്ഥാനാര്ത്ഥികളേയും പ്രഖ്യാപിക്കും. യുവത്വവും അനുഭവ സമ്പത്തുമായിരിക്കും മാനദണ്ഡങ്ങളെന്ന് എഐസിസി വ്യക്തമാക്കി കഴിഞ്ഞു. സ്ക്രീനിങ് കമ്മിറ്റിക്ക് മൂന്ന് സിറ്റിങ്ങെങ്കിലും നടത്തേണ്ടി വരും.
നിരീക്ഷകരായ സച്ചിന് പൈലറ്റ്, കനയ്യ കുമാര്, ഇമ്രാന് പ്രതാപ് ഗഡി, കര്ണ്ണാടക ഊര്ജ്ജമന്ത്രി കെ ജെ ജോര്ജ് തുടങ്ങിയവരും രണ്ടാഴ്ചക്കുള്ളില് കേരളത്തിലെത്തുമെന്നാണ് വിവരം.