തിരുവനന്തപുരം: നിയമസഭാ തിരഞ്ഞെടുപ്പിൽ നേമം മണ്ഡലത്തിൽ ശശി തരൂർ എംപിയെ മത്സരിപ്പിക്കണമെന്ന ആവശ്യം കോൺഗ്രസിനുള്ളിൽ സജീവം. നേമം മണ്ഡലം പിടിച്ചെടുക്കാൻ ശശി തരൂർ അനുയോജ്യനാണെന്ന് ജില്ലയിലെ കോൺഗ്രസ് നേതാക്കൾ വിലയിരുത്തുന്നു.
പ്രധാനമന്ത്രി നരേന്ദ്രമോദിയെ പ്രശംസിച്ച തരൂരിലൂടെ ബിജെപിക്കുള്ളില് നിന്ന് വോട്ടുകള് യുഡിഎഫിന്റെ പെട്ടിയില് എത്തിക്കാന് കഴിയുമെന്ന് തിരുവനന്തപുരം എംപിയ്ക്ക് വേണ്ടി വാദിക്കുന്നവര് പറയുന്നത്.
നേമത്ത് എൻഡിഎ സ്ഥാനാർത്ഥിയായി ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖർ മത്സരിക്കും. ഈ സാഹചര്യത്തിൽ ശക്തനായ ഒരു സ്ഥാനാർത്ഥി മത്സരരംഗത്തില്ലെങ്കിൽ ബിജെപി വിജയിക്കുമെന്ന അഭിപ്രായമാണ് കോൺഗ്രസിനുള്ളിൽ ഉള്ളത്. ഈ സാഹചര്യത്തിലാണ് ശശി തരൂരിന്റെ പേര് ഉയർന്നുവന്നത്.
2016ല് ബിജെപി നേമത്ത് നേടിയ വിജയത്തോടെ കേരള നിയമസഭയില് ചരിത്രത്തിലാദ്യമായി ബിജെപി അക്കൗണ്ട് തുറന്നിരുന്നു. എന്നാല് 2021ലെ തെരഞ്ഞെടുപ്പില് കുമ്മനം രാജശേഖരനെ 3949 വോട്ടുകള്ക്ക് പരാജയപ്പെടുത്തി വി ശിവന്കുട്ടി നേമം തിരിച്ചുപിടിച്ചു. കെ മുരളീധരന് യുഡിഎഫ് സ്ഥാനാര്ത്ഥിയായി എത്തി 36,524 വോട്ട് നേടിയിരുന്നു