അബുദാബി: അബുദാബിയിൽ മലയാളി ബാലൻ പനി ബാധിച്ച് മരിച്ചു. പെരുമ്പാവൂർ കരുവാട്ട് ഇർഫാന്റെയും അസ്നയുടെയും മകൻ ഫൈസാൻ ഇർഫാൻ (8) ആണ് മരിച്ചത്. പനി ബാധിച്ച് അബുദാബി ഷെയ്ഖ് ഖലീഫ മെഡിക്കൽ സിറ്റിയിൽ ചികിത്സയിലിരിക്കെയാണ് മരണം. ബനിയാസ് ഇന്ത്യൻ ഇന്റർനാഷനൽ സ്കൂളിൽ മൂന്നാം ക്ലാസ് വിദ്യാർത്ഥിയായിരുന്നു.
സഹോദരൻ: സയാൻ. കബറടക്കം ഞായർ രാവിലെ പത്തരയ്ക്ക് പെരുമ്പാവൂർ വട്ടേക്കാട്ടുപടി ജുമാ മസ്ജിദ് കബർസ്ഥാനിൽ.