കോഴിക്കോട്: നഗരത്തിലെ തൊണ്ടയാട് ബൈപാസിന് സമീപം ആഡംബര കാറായ റെയിഞ്ച് റോവർ തീപിടിച്ച് പൂർണ്ണമായും നശിച്ചു. ഓടിക്കൊണ്ടിരുന്ന വാഹനത്തിൽ നിന്നും പുക ഉയരുന്നത് ശ്രദ്ധയിൽപ്പെട്ട ഉടനെ യാത്രക്കാർ പുറത്തിറങ്ങി ഓടിയതിനാൽ വലിയൊരു ദുരന്തം ഒഴിവായി. വെള്ളിമാടുകുന്ന് അഗ്നിശമന സേന യൂണിറ്റ് സ്ഥലത്തെത്തിയാണ് തീ നിയന്ത്രണവിധേയമാക്കിയത്. അപകടത്തിൽ ആർക്കും പരിക്കേറ്റിട്ടില്ല.