അറബി ഭക്ഷണ സംസ്കാരം കേരളീയരുടെ ആരോഗ്യത്തെ പ്രതികൂലമായി ബാധിച്ചുവെന്ന് വ്യക്തമാക്കി പാചക വിദഗ്ധൻ പഴയിടം മോഹനൻ നമ്പൂതിരി. ഭക്ഷണക്രമത്തിലെ പെട്ടെന്നുള്ള മാറ്റങ്ങളും നമ്മുടെ ശരീരത്തിന് അനുയോജ്യമല്ലാത്ത ഭക്ഷണം കഴിക്കുന്ന ശീലവും നിരവധി ആരോഗ്യ പ്രശ്നങ്ങൾക്ക് കാരണമായിട്ടുണ്ട് എന്നാണ് അദ്ദേഹം വ്യക്തമാക്കുന്നത്.
അതേസമയം ഇടയ്ക്കിടെ അത്തരം വിഭവങ്ങൾ കഴിക്കുന്നത് നല്ലതാണ്, പക്ഷേ അവ ശീലമാക്കുന്നത് നന്നല്ല. കാലാവസ്ഥയ്ക്കും ജീവിതശൈലിക്കും അനുയോജ്യമായിരിക്കണം ഭക്ഷണം എന്നും അദ്ദേഹം പറഞ്ഞു.
എന്നാൽ ഇത്തരം ഭക്ഷണങ്ങൾ ജനപ്രിയമാകുന്നതിന്റെ പിന്നിലെ ഒരു പ്രധാന കാരണം സോഷ്യൽ മീഡിയയാണ്. ഭക്ഷ്യ ബ്ലോഗർമാരും ഇൻഫ്ലുവൻസർമാരും ആരോഗ്യം പരിഗണിക്കാതെ വിഭവങ്ങൾ പരീക്ഷിക്കാൻ ആളുകളെ നിരന്തരം പ്രോത്സാഹിപ്പിക്കുകയാണെന്നും അദ്ദേഹം കൂട്ടിച്ചേർത്തു.