കൊച്ചി: റാപ്പര് വേടന് ബലാത്സംഗക്കേസിലെ ജാമ്യ വ്യവസ്ഥയിലും ഇളവ് നല്കി ഹൈക്കോടതി. വിദേശത്ത് സംഗീതപരിപാടി അവതരിപ്പിക്കുന്നതിനായാണ് കോടതി വേടന് ജാമ്യവ്യവസ്ഥയില് ഇളവ് നല്കിയത്. തൃക്കാക്കര പൊലീസ് രജിസ്റ്റര് ചെയ്ത കേസിലും കോടതി ജാമ്യ വ്യവസ്ഥ റദ്ദാക്കി എന്നാണ് പുറത്തു വരുന്ന റിപ്പോർട്ട്. മുന്കൂര് ജാമ്യത്തിലെ രാജ്യം വിട്ടുപോകരുതെന്ന വ്യവസ്ഥയാണ് ഹൈക്കോടതി റദ്ദാക്കിയത്.
അതേസമയം വിദ്യാര്ത്ഥിയെ അപമാനിച്ചെന്ന കേസില് നേരത്തെ വേടന് ജാമ്യവ്യവസ്ഥയില് ഇളവ് ലഭിച്ചിരുന്നു. അന്വേഷണ ഉദ്യോഗസ്ഥന് ആവശ്യപ്പെടുമ്പോള് ഹാജരാകണമെന്നും രാജ്യം വിടുന്നുണ്ടെങ്കില് അന്വേഷണ ഉദ്യോഗസ്ഥനെ അറിയിക്കണമെന്നുമായിരുന്നു അന്ന് നിര്ദ്ദേശമുണ്ടായത്.