ആലപ്പുഴ: ചേര്ത്തലയിൽ തെരുവുനായ ആക്രമണത്തില് യുഡിഎഫ് സ്ഥാനാര്ത്ഥിക്ക് പരിക്ക്. 15-ാം വാര്ഡിലെ യുഡിഎഫ് സ്ഥാനാര്ത്ഥി ഹരിതയ്ക്കാണ് പരിക്കേറ്റത്. ഹരിതയുടെ താടിയ്ക്ക് തെരുവുനായയുടെ നഖം കൊണ്ടാണ് പരിക്കേറ്റത്. തെരഞ്ഞെടുപ്പ് പ്രചാരണത്തിനിടെയായിരുന്നു സംഭവം. വണ്ടാനം മെഡിക്കല് കോളേജ് ആശുപത്രിയില് ഹരിത ചികിത്സ തേടി.
അതേസമയം, എറണാകുളത്ത് വളർത്തുനായ റോഡിലൂടെ പോയ യാത്രക്കാരന്റെ ചെവിക്ക് കടിച്ചു. വീട്ടുവളപ്പിൽ അഴിച്ചുവിട്ടിരുന്ന വളർത്തുനായാണ് റോഡിലേക്കിറങ്ങി വഴിയാത്രക്കാരനെ ആക്രമിച്ചത്. നായ വഴിയാത്രക്കാരന്റെ ചെവിക്കാണ് കടിച്ചത്. പള്ളുരുത്തി സ്വദേശിയായ പി കെ ഹാഷിബിനാണ് നായയുടെ കടിയേറ്റത്. ഇയാളെ ആശുപത്രിയിൽ എത്തിച്ചു. നായയുടെ ഉടമ കാർ കയറ്റാൻ വേണ്ടി ഗേറ്റ് തുറന്ന സമയത്ത് നായ ഓടി റോഡിലേക്ക് ഇറങ്ങുകയായിരുന്നു. പിന്നാലെയാണ് ആ വഴി വന്ന ഹാഷിബിനെ ആക്രമിച്ചത്.