മുംബൈ: ഇന്ത്യൻ വനിതാ ക്രിക്കറ്റ് താരം സ്മൃതി മന്ദാനയും സംഗീത സംവിധായകന് പലാഷ് മുച്ചലുമായുള്ള ബന്ധത്തിന് വിള്ളൽ എന്ന് റിപ്പോർട്ടുകൾ. വിവാഹം മാറ്റിവെക്കാന് കാരണമായത് പലാഷിന്റെ വഴിവിട്ട ബന്ധമാണെന്ന റിപ്പോര്ട്ടുകള് ആണ് സോഷ്യൽ മീഡിയയിൽ പ്രചരിക്കുന്നത്.
ഞായറാഴ്ചയായിരുന്നു സ്മൃതിയും പലാഷ് മുച്ചലുമായുള്ള വിവാഹം മഹാരാഷ്ട്രയിലെ സാംഗ്ലിയില് നടക്കേണ്ടിയിരുന്നത്. വിവാഹ ദിവസം സ്മൃതിയുടെ പിതാവ് ശ്രീനിവാസ് മന്ദാനക്ക് ഹൃദയാഘാതമുണ്ടായതിനെ തുടര്ന്ന് ആശുപത്രിയില് പ്രവേശിപ്പിച്ചതുകൊണ്ടാണ് വിവാഹം തല്ക്കാലത്തേക്ക് മാറ്റി വെക്കുന്നത് എന്നായിരുന്നു ഇന്നലെ ഇരു കുടുംബങ്ങളും വ്യക്തമാക്കിയിരുന്നത്.
ശ്രീനിവാസ് മന്ദാനയെ ആശുപത്രിയില് പ്രവേശിപ്പിച്ചതിന് പിന്നാലെ ശാരീരികാസ്വസ്ഥ്യത്തെ തുടര്ന്ന് പലാഷ് മുച്ചലിനെയും ആശുപത്രിയില് പ്രവേശിപ്പിച്ചിരുന്നു. എന്നാല് ആരോഗ്യസ്ഥിതി മെച്ചപ്പെട്ടതിനെ തുടര്ന്ന് പലാഷിനെ പിന്നീട് ഡിസ്ചാര്ജ് ചെയുകയായിരുന്നു.
അതേസമയം മേരി ഡി കോസ്റ്റയെന്ന യുവതിയാണ് പലാഷുമായി നടത്തിയ വാട്സ് ആപ്പ് ചാറ്റിന്റെ സ്ക്രീന് ഷോട്ടുകൾ സമൂഹമാധ്യമത്തിലൂടെ പുറത്തുവിട്ടത്. ഇത് സമൂഹമാധ്യമങ്ങളില് വൈറലാവുകയും ചെയ്തു. എന്നാല് ഇത് പലാഷുമായി സംസാരിച്ചതിന്റെ തന്നെയാണോ എന്ന കാര്യത്തില് ഇതുവരെ സ്ഥിരീകരണമില്ല. പ്രചരിക്കുന്ന അഭ്യൂഹങ്ങളെക്കുറിച്ച് ഇരു കുടുംബങ്ങളും ഇതുവരെ പ്രതികരിച്ചിട്ടില്ല. യുവതിയെ മാരിയറ്റ് ഹോട്ടലിലെ പൂളില് ഒരുമിച്ച് നീന്താന് ക്ഷണിക്കുന്നതും സ്മൃതിയുമായുള്ള ബന്ധത്തെക്കുറിച്ചുള്ള ചോദ്യങ്ങളും പലാഷിന്റെ മറുപടികളുമാണ് വാട്സാപ്പ് ചാറ്റിലുള്ളത്.