കോട്ടയം: സഹകരണ-ദേവസ്വം വകുപ്പ് മന്ത്രി വി.എൻ. വാസവന്റെ സഹോദരന്റെ മകൾ കോട്ടയത്ത് കോൺഗ്രസ് സ്ഥാനാർഥിയായി മത്സരിക്കുന്നു. മന്ത്രിയുടെ ജ്യേഷ്ഠൻ വി.എൻ. സോമന്റെ മകളായ സ്മിത ഉല്ലാസാണ് പാമ്പാടിയിൽ കോൺഗ്രസ് ടിക്കറ്റിൽ ജനവിധി തേടുന്നത്. പാമ്പാടി ഗ്രാമപഞ്ചായത്തിലെ 17-ാം വാർഡിലാണ് സ്മിത മത്സരിക്കുന്നത്.
സ്മിത ഏകദേശം രണ്ട് വർഷമായി കോൺഗ്രസ് പാർട്ടിയുമായി ചേർന്ന് പ്രവർത്തിക്കുന്നുണ്ട്. ഇതിനു മുന്നോടിയായി പാമ്പാടി സർവീസ് സഹകരണ ബാങ്കിലേക്ക് കോൺഗ്രസ് പാനലിൽ മത്സരിച്ചിരുന്നു. തന്റെ പിതാവ് വി.എൻ. സോമൻ കോൺഗ്രസ് അനുഭാവിയായിരുന്നുവെന്നും സ്മിത വ്യക്തമാക്കി.