ഇടുക്കി: തദ്ദേശതെരഞ്ഞെടുപ്പിൽ പല മുന്നണികളും രംഗത്ത് ഇറക്കുന്നത് സർപ്രൈസ് സ്ഥാനാർത്ഥികളെയാണ്. അതുപോലൊരു സർപ്രൈസ് സ്ഥാനാർത്ഥി ബിജെപിക്കായി ഇടുക്കിയിൽ വരുമോ എന്നാണ് ഏവരും ഉറ്റുനോക്കുന്നത്.
പെന്ഷന് മുടങ്ങിയതില് പ്രതിഷേധിച്ച് സംസ്ഥാന സര്ക്കാരിനെതിരെ ഭിക്ഷയെടുത്ത് സമരം നടത്തിയ മറിയക്കുട്ടി തദ്ദേശതെരഞ്ഞെടുപ്പില് മത്സരിച്ചേക്കുമെന്ന ചില സ്ഥിരീകരിക്കാത്ത വാർത്തകൾ വരുന്നുണ്ട്.
അടിമാലി പഞ്ചായത്തില് ബിജെപി സ്ഥാനാര്ത്ഥിയായി മത്സരിക്കാനാണ് ആലോചിക്കുന്നത്. ബിജെപി നേതാക്കള് ആവശ്യം അറിയിച്ചതായി മറിയക്കുട്ടി പ്രതികരിച്ചു.
പാര്ട്ടി മത്സരിക്കാന് പറയുന്നുണ്ട്. തീരുമാനമായില്ല. നിലവില് പ്രായത്തിന്റേതായ ആരോഗ്യക്കുറവല്ലാതെ മറ്റ് പ്രശ്നമൊന്നുമില്ല.
അന്തിമ തീരുമാനം ഉടന് എടുക്കും. ബിജെപി നേതൃത്വം പറയുന്നത് പോലെ ചെയ്യും. സുരേഷ് ഗോപി പറയുന്നത് പോലെ ചെയ്യും. 10 വര്ഷമായി ഒരാള് ഇവിടെ ഭരിക്കുന്നു. ഇതുവരെ പാവങ്ങള്ക്ക് ഒരു മൊട്ടുസൂചിയുടെ ഗുണം ചെയ്തില്ല. പഞ്ചായത്തിന്റെ കെട്ടിടങ്ങളെല്ലാം അവരുടെ ബന്ധുക്കളാണ് കൈകാര്യം ചെയ്യുന്നത്’, മറിയക്കുട്ടി പറഞ്ഞു.