കോഴിക്കോട് ∙ സിനിമയിൽ അവസരം വാഗ്ദാനം ചെയ്ത് വിദ്യാർത്ഥിനിയുടെ നഗ്നചിത്രങ്ങൾ ആവശ്യപ്പെട്ട യുവാവിനെ പോലീസ് അറസ്റ്റ് ചെയ്തു. കാസർഗോഡ് കാട്ടിപ്പളം നാരായണീയം വീട്ടിൽ ഷിബിൻ (29) ആണ് അറസ്റ്റിലായത്.
ബേപ്പൂർ സ്വദേശിനിയായ 15 വയസ്സുള്ള പത്താംക്ലാസ് വിദ്യാർത്ഥിനിയോട് താൻ സിനിമസംവിധായകനാണെന്നും പെൺകുട്ടിയെ സിനിമയിൽ അഭിനയിപ്പിക്കാമെന്നും പറഞ്ഞ് ഷിബിൻ ബന്ധപ്പെട്ടു. ലൈംഗിക ഉദ്ദേശത്തോടെയാണ് ഇയാൾ പെൺകുട്ടിയോട് നഗ്നചിത്രങ്ങൾ ആവശ്യപ്പെട്ടതെന്ന് അന്വേഷണത്തിൽ വ്യക്തമായി.
വിദ്യാർത്ഥിനിയുടെ മാതാപിതാക്കൾ നൽകിയ പരാതിയുടെ അടിസ്ഥാനത്തിൽ ബേപ്പൂർ പോലീസ് കേസ് രജിസ്റ്റർ ചെയ്തു. തുടർന്ന് സൈബർ സെല്ലിന്റെ സഹായത്തോടെ നടത്തിയ അന്വേഷണത്തിലാണ് പ്രതിയെ പിടികൂടിയത്.
ബേപ്പൂർ പോലീസ് സ്റ്റേഷൻ എസ്.ഐ. സുരേഷ്, സിപി.എസ്.ഐ. സ്കാഡ് അംഗങ്ങളായ എ.എസ്.ഐ. അരുണ്, എ.എസ്.ഐ. വിനോദ്, എസ്എസി. അനിവർ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.