തിരുവനന്തപുരം ∙ iFWJയുടെ കേരള ഘടകമായ ഫെഡറേഷൻ ഓഫ് വർക്കിംഗ് ജേണലിസ്റ്റ് കേരളയുടെ ആഭിമുഖ്യത്തിൽ കേരളപ്പിറവി ദിനാഘോഷം തിരുവനന്തപുരം പ്രസ്സ് ക്ലബിൽ നടത്തി. കെ. ആൻസലൻ എം.എൽ.എ ഉദ്ഘാടനം ചെയ്തു. ഫെഡറേഷൻ സംസ്ഥാന പ്രസിഡന്റ് എ.പി. ജിനൻ അധ്യക്ഷത വഹിച്ചു.
പ്രൊഫ. എം.ആർ. തമ്പാൻ മുഖ്യാതിഥിയായി. ‘കേരളപ്പിറവിയും മാധ്യമസംസ്കാരവും’ എന്ന വിഷയത്തെ ആസ്പദമാക്കി നടന്ന സെമിനാറിൽ തിരുവനന്തപുരം പ്രസ്സ് ക്ലബ് ഇൻസ്റ്റിറ്റ്യൂട്ട് ഓഫ് ജേണലിസം ഡയറക്ടർ പി.വി. മുരുകൻ വിഷയം അവതരിപ്പിച്ചു. എം.എം. സുബൈർ എന്നിവർ സംസാരിച്ചു.
പ്രോഗ്രാമിൽ ല്യോൺ സ്കൂൾ വിദ്യാർത്ഥികളായ പൗർണമി ഷിനുകുമാർ, മുഹമ്മദ് ഇർഫാൻ പി, അൽ റിസ്വാൻ, സംവിധായകൻ സുനിൽദത്ത് സുകുമാരൻ, പത്മകുമാർ, ഷാനവാസ്, അഗസ്ത്യ എന്നിവർക്ക് കെ. ആൻസലൻ എം.എൽ.എ ഉപഹാരങ്ങൾ നൽകി ആദരിച്ചു. പരിപാടിയുടെ മുഖ്യ സ്പോൺസർ ആയ ഡോക് ഇന്റീരിയേഴ്സ് മാനേജിങ് പാർട്ണർ ഹാനോയ്ക്കും ആദരമർപ്പിച്ചു.
സംസ്ഥാന ജനറൽ സെക്രട്ടറി പോളി വടക്കൻ സ്വാഗതം പറഞ്ഞു. സംസ്ഥാന സെക്രട്ടറി രാജൻ പൊഴിയൂർ നന്ദി രേഖപ്പെടുത്തി. കൊച്ചിൻ സെവൻ ക്രിയേഷൻസിന്റെ മദ്ധ്യാഹ്ന മ്യൂസിക് ആൽബം പരിപാടിയുടെ ഭാഗമായി അവതരിപ്പിച്ചു. പ്രശസ്ത ചലച്ചിത്ര നടി അദീഷ മോഹൻ ചടങ്ങിൽ പങ്കെടുത്തു.