മുംബൈ: കൊങ്കൺ പാതയിലൂടെ സർവീസ് നടത്തുന്ന 38 ട്രെയിനുകളുടെ സമയത്തിൽ ഇന്നു മുതൽ മാറ്റം വരും.
മൺസൂൺ സമയക്രമം പിൻവലിച്ചതോടെയാണ് ട്രെയിനുകളുടെ സമയക്രമത്തിൽ മാറ്റം വരുന്നത്.
മൺസൂൺ മഴയിൽ മണ്ണിടിച്ചിൽ സാധ്യത കണക്കിലെടുത്തായിരുന്നു കൊങ്കൺ പാതയിൽ വേഗനിയന്ത്രണം ഏർപ്പെടുത്തിയിരുന്നത്. പുതിയ സമയക്രമം നിലവിൽ വന്നതോടെ കേരളത്തിലൂടെ ഓടുന്ന ട്രെയിനുകളുടെ സമയക്രമത്തിലും മാറ്റം വന്നിട്ടുണ്ട്.
മൺസൂൺ കാലത്താണ് കൊങ്കൺ പാതയിൽ റയിൽവെ വേഗനിയന്ത്രണം ഏർപ്പെടുത്തുന്നത്. ഈ കാലഘട്ടത്തിൽ കൊങ്കൺ പാതയിലൂടെ ട്രെയിനുകൾ മണിക്കൂറിൽ 40-75 കിലോമീറ്റർ വേഗതയിലാകും ഓടുക.
വേഗനിയന്ത്രണം പിൻവലിച്ചതോടെ ഇന്നു മുതൽ കൊങ്കൺ പാതയിലെ ട്രെയിനുകളുടെ വേഗത മണിക്കൂറിൽ 110-120 കിലോമീറ്ററാകും. ജൂൺ 15 വരെ ഇത്തരത്തിൽ ട്രെയിനുകൾ സർവീസ് നടത്തും.