കോട്ടയം: കോട്ടയത്ത് എലിപ്പനി ബാധിച്ച് ചികിത്സയിൽ കഴിയുകയായിരുന്ന 15 വയസുകാരൻ മരിച്ചു. എസ്എച്ച് മൗണ്ട് സ്വദേശി ശ്യാം സി ജോസഫിന്റെ മകൻ ലെനൻ സി ശ്യാം ആണ് മരിച്ചത്. പത്താം ക്ലാസ് വിദ്യാർഥിയായ ലെനൻ പനി ബാധിച്ച് കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു. ഇതിനിടെ ഇന്ന് രാവിലെയാണ് മരണം സ്ഥിരീകരിച്ചത്. മൃതദേഹം കോട്ടയം മെഡിക്കൽ കോളേജിൽ സൂക്ഷിച്ചിരിക്കുകയാണ്. തുടർനടപടികൾ പൂർത്തിയായ ശേഷം കുടുംബത്തിന് വിട്ടുനൽകും.