പത്തനംതിട്ട: ശബരിമല ദ്വാരപാലക ശില്പത്തിലെ സ്വര്ണക്കവര്ച്ചയില് വന്ഗൂഢാലോചനയെന്ന് വ്യക്തമാക്കി ദേവസ്വം വിജിലന്സിന്റെ റിപ്പോര്ട്ട്. ഇന്ന് ഹൈക്കോടതിയില് സമര്പ്പിക്കാനിരിക്കുന്ന റിപ്പോര്ട്ടിലെ വിവരങ്ങള് മാധ്യമങ്ങൾക്ക് ലഭിച്ചു.
ഭരണ നേതൃത്വത്തിന്റെ വീഴ്ചയെ കുറിച്ചും റിപ്പോര്ട്ടിൽ വ്യക്തമാക്കുന്നുണ്ട്. തിരുവാഭരണ കമ്മീഷണര് അടക്കം അന്നത്തെ പ്രധാനപ്പെട്ട ഉദ്യോഗസ്ഥരുടെ പേര് പരാമര്ശിച്ചുകൊണ്ടാണ് റിപ്പോര്ട്ട്. 2019 ല് സ്വര്ണം പൂശുന്നതിനായി ചെമ്പല്ല, സ്വര്ണപ്പാളികള് തന്നെയാണ് പോറ്റിക്ക് നല്കിയതെന്ന് തെളിയിക്കുന്ന മൊഴികളും റിപ്പോര്ട്ടിലുണ്ട്. ഇതോടെ മോഷണം നടന്നെന്ന നിഗമനത്തിലാണ് വിജിലന്സ്.