തിരുവനന്തപുരം: ക്ഷേമ പെന്ഷന് രണ്ടായിരം രൂപയാക്കി വര്ധിപ്പിച്ചു. നിലവിലുണ്ടായിരുന്ന 1600 രൂപയില് 400 രുപയാണ് കൂട്ടിയത്.
തദ്ദേശ തെരഞ്ഞെടുപ്പ് ഇങ്ങ് അടുത്തിരിക്കെയാണ് മുഖ്യമന്ത്രി പിണറായി വിജയന്റെ പ്രഖ്യാപനം.
പ്രതിമാസം ആയിരം രൂപ സത്രീ സുരക്ഷാ പെന്ഷന് നല്കും. ട്രാന്സ് സ്ത്രീകള് അടക്കം പാവപ്പെട്ട സ്ത്രീകള്ക്കാണ് സഹായം. 33 ലക്ഷത്തിലേറെ സ്ത്രീകള്ക്ക് സഹായം കിട്ടുമെന്ന് മുഖ്യമന്ത്രി പറഞ്ഞു.
അങ്കണവാടി വര്ക്കര്മാരുടെയും ഹെല്പ്പര്മാരുടെയും ഓണറേറിയം വര്ധിപ്പിച്ചു. ആയിരം രൂപയാണ് കൂട്ടിയത്. സാക്ഷരതാ പ്രേരക്മാരുടെ ഓണറേറിയം ആയിരം രൂപയാക്കി വർധിപ്പിച്ചു.