ലോക: ചാപ്ടർ വൺ: ചന്ദ്ര 300 കോടി ക്ളബിൽ എത്തിയതായി റിപ്പോർട്ട്. ഇതോടെ മലയാള സിനിമയുടെ ചരിത്രത്തിലെ ആദ്യ 300 കോടി ക്ളബ് ചിത്രം ആവുകയാണ് കല്യാണി പ്രിയദർശൻ നായികയായി എത്തിയ ലോക.
ശനിയാഴ്ച ലോക യുടെ ആഗോള കളക്ഷൻ 298 കോടി ആയിരുന്നു. റെക്കോഡുകളുടെ പെരുമഴയാണ് ലോക തീർക്കുന്നത്. കേരളത്തിൽനിന്ന് ഏറ്റവുമധികം കളക്ഷൻ നേടുന്ന സിനിമ എന്ന റെക്കോഡും ചിത്രം സ്വന്തമാക്കി.
അതേസമയം മോഹൻലാൽ ചിത്രം തുടരും കേരളത്തിൽനിന്നു മാത്രം നേടിയ 118 കോടിയുടെ റെക്കോഡ് കളക്ഷൻ 38 ദിവസംകൊണ്ട് മറികടന്ന് പുതിയ ഇൻഡസ്ട്രി ഹിറ്റായി ലോക ചരിത്രം തിരുത്തിക്കുറിച്ചിരുന്നു.