തിരുവനന്തപുരം: ലോകകപ്പ് ഫൈനല് ദിവസം കേരളത്തില് വൈദ്യുതി മുടങ്ങില്ലെന്ന് ഉറപ്പ് നൽകി കെഎസ്ഇബി.കൂടുതല് വൈദ്യുതി വാങ്ങുന്നതിനാല് ഞായറാഴ്ച കേരളത്തില് വൈദ്യുതി നിയന്ത്രണം ഉണ്ടാവില്ലെന്നാണ് കെഎസ്ഇബി ചെയര്മാന് ആന്ഡ് മാനേജിങ് ഡയറക്ടര് ഡോ. എം.ജി. രാജമാണിക്യം അറിയിച്ചത്.
ലോകകപ്പ് സീസണില് ഏര്പ്പെടുത്തിയ വൈദ്യുതി നിയന്ത്രണങ്ങളില് സംസ്ഥാന സര്ക്കാരിനെതിരെ കടുത്ത വിമര്ശനങ്ങള് ഉയര്ന്നിരുന്നു. ഇതിനു പിന്നാലെയാണ് ഫൈനല് ദിനത്തില് കെഎസ്ഇബി വൈദ്യുതി നിയന്ത്രണം ഏര്പ്പെടുത്തില്ല എന്ന പ്രഖ്യാപനം ഉണ്ടായിരിക്കുന്നത്.
അതേസമയം, നിലവിലെ വൈദ്യുതി പ്രതിസന്ധിക്ക് കാരണം കെഎസ്ഇബിയിലെ പ്രശ്നങ്ങളല്ലെന്ന് അദ്ദേഹം പറഞ്ഞു.മഴ കുറഞ്ഞതോടെ എല്ലാ സംസ്ഥാനങ്ങളിലും വൈദ്യുതി ഉപഭോഗം വര്ധിച്ചു. ഇതോടെ തത്സമയം വിപണിയില് നിന്നും അധിക വൈദ്യുതി ലഭിക്കാത്തതാണ് നിലവിലെ പ്രതിസന്ധിക്ക് കാരണം എന്നും അദ്ദേഹം കൂട്ടിച്ചേർത്തു.