വാഷിംഗ്ടണ്: ഇന്ത്യന് വംശജനായ നയതന്ത്ര ഉദ്യോഗസ്ഥന് ആഷ്ലി ടെല്ലിസ് യുഎസില് അറസ്റ്റില്. അമേരിക്കയുടെ ദേശീയ പ്രതിരോധവുമായി ബന്ധപ്പെട്ട രഹസ്യ രേഖകള് അനധികൃതമായി കൈവശം വെച്ചതിനും ചൈനീസ് ഉദ്യോഗസ്ഥരുമായി ചര്ച്ച നടത്തിയെന്നും ആരോപിച്ചാണ് അറസറ്റ്.
64-കാരനായ ആഷ്ലി ടെല്ലിസിനെതിരെ ദേശീയ പ്രതിരോധ വിവരങ്ങള് നിയമവിരുദ്ധമായി സൂക്ഷിച്ചതിന് ക്രിമിനല് കുറ്റം ചുമത്തിയിട്ടുണ്ടെന്ന് യുഎസ് അറ്റോര്ണി ലിന്ഡ്സന് ഹാലിഗന് ഔദ്യോഗികമായി പുറത്തിറക്കിയ പ്രസ്താവനയില് അറിയിച്ചു. യുഎസ് പൗരന്മാരുടെ സുരക്ഷയ്ക്ക് ഗുരുതരമായ ഭീഷണി ഉയര്ത്തുന്ന കുറ്റകൃത്യങ്ങളാണ് ടെല്ലിസ് നടത്തിയതെന്നും വിദേശ, ആഭ്യന്തര ഭീഷണികളില് നിന്നും അമേരിക്കയെ സംരക്ഷിക്കുന്നതിലാണ് തങ്ങള് പൂര്ണ്ണ ശ്രദ്ധ കേന്ദ്രീകരിക്കുന്നതെന്നും ഹാലിഗന് പറഞ്ഞു.
ഒക്ടോബര് 11-ന് ഇദ്ദേഹത്തെ അറസ്റ്റ് ചെയ്തതായാണ് സ്റ്റേറ്റ് ഡിപ്പാര്ട്ട്മെന്റ് സ്ഥിരീകരിച്ചിരിക്കുന്നത്.