കൊല്ക്കത്ത: പശ്ചിമബംഗാളിലെ ഡാര്ജിലിങ് ജില്ലയിലെ മിരിക്കിലിൽ കനത്തമഴയും മണ്ണിടിച്ചിലും. കനത്തമഴയെ തുടര്ന്ന് കാലാവസ്ഥാ നിരീക്ഷണകേന്ദ്രം റെഡ് അലേര്ട്ട് പ്രഖ്യാപിച്ച പ്രദേശത്താണ് മണ്ണിടിച്ചിലുണ്ടായത്. ആറുപേർക്ക് ജീവൻ നഷ്ടപ്പെട്ടുവെന്നാണ് വിവരം. മിരിക്-കുര്സേങ് നഗരത്തെ ബന്ധിപ്പിക്കുന്ന ദുദിയ ഇരുമ്പ് പാലവും മണ്ണിടിച്ചിലില് തകര്ന്നു.
സബ്-ഹിമാലയന് വെസ്റ്റ് ബംഗാള് പ്രദേശത്ത് തിങ്കളാഴ്ച വരെ കനത്തമഴ പെയ്യുമെന്നും മുന്നറിയിപ്പുണ്ട്. തെക്കന് ബംഗാളിലും മഴ മുന്നറിയിപ്പ് നിലനില്ക്കുന്നുണ്ട്. കനത്ത മഴയെ തുടര്ന്ന് വിവിധയിടങ്ങളില് വെള്ളക്കെട്ട് രൂപപ്പെട്ടു. തിസ്ത, മല് തുടങ്ങിയ നദികള് അപകടനിരപ്പിലും ഉയരെ കരകവിഞ്ഞ് ഒഴുകുകയാണ്. ഇതുമൂലം പ്രളയസമാനമായ സാഹചര്യമാണ് പ്രദേശത്തുനില്ക്കുന്നത്.