ഇന്ത്യന് സിനിമയിലെ ഏറെ ആരാധകരുള്ള താരമാണ് രജനികാന്ത്. എന്നാൽ താരത്തിന്റെ ആരാധകർക്ക് അത്ര സുഖകരമല്ലാത്ത ഒരു വാർത്ത ആണ് ഇപ്പോൾ പുറത്ത് വരുന്നത്. താരം അഭിനയ ജീവിതത്തോട് വിട പറയാന് ഒരുങ്ങുന്നതായി ആണ് പുറത്തു വരുന്ന റിപ്പോര്ട്ടുകള്.
അതേസമയം 46 വര്ഷത്തെ ഇടവേളയ്ക്ക് ശേഷം കമല് ഹാസനുമായി ഒന്നിക്കുന്ന ഒരു സിനിമയില് രജനികാന്ത് അഭിനയിക്കുന്നുണ്ട്. ഇത് ഉള്പ്പെടെ നാല് ചിത്രങ്ങള് കൂടി മാത്രമേ രജനികാന്ത് ഇനി അഭിനയിക്കൂ എന്നാണ് ലഭിക്കുന്ന റിപ്പോര്ട്ടുകള്.
എന്നാല് രജനികാന്തിന്റെയോ അദ്ദേഹത്തിന്റെ ടീമിന്റെയോ പ്രതികരണങ്ങളൊന്നും ഇക്കാര്യത്തില് ഇനിയും ലഭിച്ചിട്ടില്ല. നിലവില് 74 വയസാണ് രജനികാന്തിന്. എന്നാൽ ഈ പ്രായത്തിൽ അദ്ദേഹത്തിന് സാധാരണയായി ആക്ഷന് രംഗങ്ങളിലും അഭിനയിക്കേണ്ടിവരുന്നുണ്ട്. പ്രായത്തിന്റേതായി പ്രശ്നങ്ങള് ഇത്തരം രംഗങ്ങളുടെ പൂര്ത്തീകരണത്തില് പ്രായോഗിക തടസങ്ങള് ഉണ്ടാക്കുന്നുണ്ട്. രജനികാന്ത് ചിത്രങ്ങളിലെ ആക്ഷന് രംഗങ്ങള്ക്ക് ഡ്യൂപ്പുകളെ കൂടുതല് ഉപയോഗിക്കുന്നതായി അടുത്ത കാലത്ത് വിമര്ശനമായി ഉയര്ന്നിരുന്നു.
അതുപോലെ തന്നെ ലോകേഷ് കനകരാജിന്റെ സംവിധാനത്തില് ഒടുവിലെത്തിയ കൂലിയുടെ ചിത്രീകരണത്തിനിടെ രജനികാന്തിന് പരിക്കേറ്റതായും വാര്ത്തകള് വന്നിരുന്നു. കുടുംബവും സുഹൃത്തുക്കളുമായി ചര്ച്ച നടത്തിയതിന് ശേഷമാണ് വിരമിക്കല് തീരുമാനത്തിലേക്ക് രജനികാന്ത് എത്തിയതെന്നാണ് അടുത്ത വൃത്തങ്ങളെ ഉദ്ധരിച്ച് മാധ്യമങ്ങൾ റിപ്പോർട്ട് ചെയ്യുന്നത്