ഡൽഹി: ശബരിമല സ്വര്ണപ്പാളി വിവാദത്തിനിടെ മുഖ്യമന്ത്രി പിണറായി വിജയന് ദില്ലിയില്. വയനാട് ദുരന്തത്തില് കൂടുതല് സഹായമഭ്യര്ത്ഥിച്ച് മുഖ്യമന്ത്രി കേന്ദ്ര ആഭ്യന്തരമന്ത്രി അമിത് ഷായെ കണ്ടു എന്നാണ് പുറത്തു വരുന്ന റിപ്പോർട്ട്. നാളെ പ്രധാനമന്ത്രിയേയും മുഖ്യമന്ത്രി കാണും.
അതേസമയം മാധ്യമങ്ങൾ ചോദിച്ച വിവാദ വിഷയങ്ങളോടൊന്നും മുഖ്യമന്ത്രി പ്രതികരിച്ചില്ല. അമിത് ഷായുമായുള്ള കൂടിക്കാഴ്ചയ്ക്കുശേഷം കേന്ദ്ര ആരോഗ്യമന്ത്രി ജെപി നദ്ദയുമായും കൂടിക്കാഴ്ച നടത്തി. വയനാട് ദുരന്തത്തില് കേന്ദ്രം കൂടുതല് സഹായം അനുവദിക്കണമെന്നതാണ് മുഖ്യമന്ത്രിയുടെ ദില്ലി സന്ദര്ശനത്തിലെ പ്രധാന ആവശ്യം.