പാലക്കാട്: കണ്ണാടി ഹയര്സെക്കന്ഡറി സ്കൂളില് ഒന്പതാംക്ലാസ് വിദ്യാര്ത്ഥി ജീവനൊടുക്കിയ സംഭവത്തില് അധ്യാപികയ്ക്കെതിരെ കുട്ടിയുടെ സഹപാഠിയുടെ വെളിപ്പെടുത്തല്. ക്ലാസ് ടീച്ചറായ ആശയ്ക്കെതിരെ ഗുരുതര ആരോപണവുമായി മരിച്ച അര്ജുന്റെ സഹപാഠി രംഗത്തെത്തി.
ആശ ടീച്ചര് ക്ലാസ് മുറിയില്വെച്ച് സൈബര് സെല്ലിലേക്ക് വിളിച്ചിരുന്നുവെന്നും ജയില് ശിക്ഷ അനുഭവിക്കേണ്ടിവരുമെന്നും പിഴ നല്കേണ്ടിവരുമെന്നും അർജുനെ ഭീഷണിപ്പെടുത്തിയെന്നുമാണ് സഹപാഠി വ്യക്തമാക്കുന്നത്.
ഈ സംഭവത്തിന് ശേഷം അര്ജുന് അസ്വസ്ഥനായിരുന്നുവെന്നും സ്കൂള് വിട്ട് പോകുമ്പോള് മരിക്കുമെന്ന് പറഞ്ഞ് തന്നെ കെട്ടിപ്പിടിച്ച് കരഞ്ഞെന്നും സഹപാഠി പറഞ്ഞു. താന് തെറ്റ് ചെയ്തിട്ടില്ലെന്നും അമ്മാവന് തല്ലിയതുകൊണ്ടാണ് അര്ജുന് മരിച്ചതെന്ന് പറയണമെന്നും ആശ ടീച്ചര് വിദ്യാർത്ഥികളെ ഫോണിൽ വിളിച്ച് പറഞ്ഞതായി മറ്റൊരു വിദ്യാർത്ഥിയും വെളിപ്പെടുത്തി.