ചെന്നൈ: കരൂര് ദുരന്തത്തിന് പിന്നാലെ തമിഴക വെട്രി കഴകം (ടിവികെ) നേതാക്കള് മുന്കൂര് ജാമ്യാപേക്ഷ നൽകാനൊരുങ്ങുന്നു.
മദ്രാസ് ഹൈക്കോടതിയില് മുന്കൂര് ജാമ്യാപേക്ഷ സമര്പ്പിക്കും. പൊലീസ് അറസ്റ്റ് നീക്കം സജീവമാക്കിയതോടെയാണ് ജാമ്യാപേക്ഷ സമര്പ്പിക്കാന് ഒരുങ്ങുന്നത്.
കരൂര് ദുരന്തത്തിലെ രണ്ടും മൂന്നും പ്രതിസ്ഥാനത്തുള്ള ടിവികെ സംസ്ഥാന ജനറല് സെക്രട്ടറി ബുസ്സി ആനന്ദ്, ജോയിന്റ് സെക്രെട്ടറി നിര്മല്കുമാര് എന്നിവരാണ് മുന്കൂര് ജാമ്യത്തിന് ശ്രമിക്കുന്നത്. ഒളിവിലുള്ള ഈ നേതാക്കള്ക്കെതിരെ ട്രിച്ചിയില് അന്വേഷണം ഊര്ജിതമാക്കിയിരിക്കുകയാണ് പൊലീസ്.