മുംബൈ : വീണ്ടും വിമാനത്തിന് ബോംബ് ഭീഷണി. മുംബൈ-ഡൽഹി ഇൻഡിഗോ വിമാനത്തിനാണ് ഇന്ന് രാവിലെ ബോംബ് ഭീഷണി നേരിട്ടത്.
ഇമെയിൽ വഴിയാണ് ഭീഷണി ലഭിച്ചത്. ഉടൻ വിമാനത്തിലെ ക്രൂവിനെ അറിയിച്ചു. പരിശോധനയിൽ സംശയാസ്പദമായി ഒന്നും കണ്ടെത്താൻ സാധിച്ചില്ലെന്നാണ് വിവരം.
രാവിലെ എട്ട് മണിക്ക് എയർ ഇന്ത്യയുടെ 6 ഇ 762 വിമാനം ഡൽഹിയിൽ ലാൻഡ് ചെയ്യുന്നതിന് മുൻപാണ് ഭീഷണി സന്ദേശം ലഭിച്ചത്. പൈലറ്റും എയർഹോസ്റ്റസുമടക്കം 200 പേരാണ് വിമാനത്തിലുണ്ടായിരുന്നത്. ഇമെയിൽ ഉറവിടം കണ്ടെത്താൻ അന്വേഷണം തുടങ്ങിയതായി ദില്ലി പൊലീസ് അറിയിച്ചു.