തിരുവനന്തപുരം : മെഡിക്കൽ കോളജ് സൂപ്രണ്ട് ഡോ.ബി.എസ്. സുനിൽകുമാറിനെ നീക്കി ആരോഗ്യ വകുപ്പ്.ഡോ.സി ജി ജയചന്ദ്രനെയാണ് പുതിയ സൂപ്രണ്ടായി ചുമതലപ്പെടുത്തിയിരിക്കുന്നത്.
തനിക്ക് സൂപ്രണ്ട് ചുമതലയിൽ നിന്ന് ഒഴിവാകണമെന്ന് ആവശ്യപ്പെട്ട് മെഡിക്കൽ കോളജ് പ്രിൻസിപ്പാളിന് സൂപ്രണ്ട് സുനിൽകുമാർ കത്തു നൽകിയിരുന്നു.സൂപ്രണ്ട് ആയതോടെ ജോലിയിൽ ശ്രദ്ധിക്കാൻ കഴിയുന്നില്ലെന്ന് ചൂണ്ടിക്കാട്ടിയായിരുന്നു കത്ത്.
മെഡിക്കൽ കോളജുമായി ബന്ധപ്പെട്ട് ഉയർന്ന നിരവധി വിവാദങ്ങൾക്കു പിന്നാലെയാണ് സൂപ്രണ്ടിന്റെ മാറ്റം.ഡോ.ഹാരിസ് ചിറയ്ക്കൽ മെഡിക്കൽ കോളജിലെ ഉപകരണക്ഷാമം ചൂണ്ടിക്കാട്ടി ഫെയ്സ്ബുക്കിൽ എഴുതിയ കുറിപ്പാണ് വിവാദങ്ങൾക്കു തുടക്കമിട്ടത്.