തിരുവനന്തപുരം: സംസ്ഥാനത്ത് ഇന്ന് ബിവറേജസ് ഔട്ട്ലെറ്റുകൾ രാത്രി ഏഴു മണി വരെ മാത്രമാകും തുറന്നു പ്രവർത്തിക്കുക. അർദ്ധ വാർഷിക സ്റ്റോക്ക് ക്ലിയറൻസിനെ തുടർന്നാണ് ഔട്ട്ലെറ്റുകൾ നേരത്തെ അടയ്ക്കുന്നത്. ഒക്ടോബർ ഒന്ന് ഡ്രൈ ഡേ ആയതിനാലും ഒക്ടോബർ രണ്ട് ഗാന്ധി ജയന്തിയായതിനാലും ഇനി ഒക്ടോബർ മൂന്നാം തീയതി മാത്രമേ ബിവറേജസ് ഔട്ട്ലെറ്റുകൾ തുറന്ന് പ്രവർത്തിക്കുകയുള്ളൂ.
ഒക്ടോബർ രണ്ടിന് ബിവറേജസ് കോർപ്പറേഷന് മാത്രമല്ല, ബാറുകളും അവധിയായിരിക്കും. ത്രിവേണി സ്റ്റോറുകൾക്കും, കൺസ്യൂമർ ഫെഡ് ഷോപ്പുകൾക്കും ഇത് ബാധകമായിരിക്കും. ഒക്ടോബർ ഒന്നാം തീയതി ഉൾപ്പെടെ ഈ വർഷം ഇനി മൂന്ന് ഡ്രൈ ഡേകൾ കൂടിയാണുള്ളത്.