തിരുവനന്തപുരം; യൂത്ത് കോണ്ഗ്രസ് അധ്യക്ഷ പദവി രാജിവയ്ക്കാന് രാഹുൽ മാങ്കൂട്ടത്തിലിനോട് ഹൈക്കമാന്ഡ് നിര്ദേശിച്ച വാർത്ത നേരത്തെ തന്നെ പുറത്ത് വന്നിരുന്നു.
അതിന് പിന്നാലെ വരുന്ന നിയമസഭാ തിരഞ്ഞെടുപ്പില് രാഹുൽ മാങ്കൂട്ടത്തിലിന് സീറ്റും നല്കില്ലെന്ന റിപ്പോർട്ടുകളും പുറത്ത് വരുന്നു. പാര്ട്ടിക്കുള്ളില് നിന്നും രാഹുലിനെതിരെ നിരവധി പരാതികള് എഐസിസിക്ക് ലഭിച്ചതിന് പിന്നാലെ അന്വേഷണത്തിന് കെപിസിസിക്ക് നിര്ദേശം നല്കിയിരുന്നു.
കേരളത്തിന്റെ ചുമതലയുള്ള എഐസിസി ജനറല് സെക്രട്ടറി ദീപ ദാസ്മുന്ഷിയാണ് സംസ്ഥാന നേതൃത്വത്തിന് നിര്ദേശം നല്കിയത്. ഇതിന് പിന്നാലെ വി.ഡി.സതീശനും കെപിസിസി ജനറല് സെക്രട്ടറി സണ്ണി ജോസഫും അനൗദ്യോഗിക ചര്ച്ച നടത്തിയിരുന്നു.