കൊച്ചി: യെമനിലെ ജയിലിൽ കഴിയുന്ന നിമിഷപ്രിയയുടെ മോചനവുമായി ബന്ധപ്പെട്ട് മാധ്യമങ്ങളോടുള്ള പ്രതികരണങ്ങൾ വിലക്കണമെന്ന ഹർജി സുപ്രീംകോടതി തള്ളി.
ആക്ഷൻ കൗൺസിലിനെയും കാന്തപുരം എ പി അബൂബക്കർ മുസ്ലിയാരെയും അഡ്വ. സുഭാഷ് ചന്ദ്രനെയും വിലക്കണമെന്ന് മധ്യസ്ഥൻ എന്ന് അവകാശപ്പെട്ട കെ എ പോളിന്റെ ഹർജിയാണ് ജസ്റ്റിസ് വിക്രം നാഥ്, സന്ദീപ് മേത്ത എന്നിവരുടെ ബെഞ്ച് തള്ളിയത്.
കേന്ദ്രവുമായി സംസാരിക്കാന് അനുവദിക്കണമെന്ന പോളിന്റെ ആവശ്യവും തള്ളി. കാര്യങ്ങള് കേന്ദ്ര സര്ക്കാര് ചെയ്തുകൊള്ളുമെന്ന് കെഎ പോളിനോട് സുപ്രിംകോടതി പറഞ്ഞു. മാധ്യമ ശ്രദ്ധയ്ക്ക് വേണ്ടിയാണോ ഹര്ജിയെന്ന് കെഎ പോളിനോട് സുപ്രിംകോടതി ചോദിച്ചു.