അടൂർ: പത്തനംതിട്ടയിൽ പോക്സോ കേസിൽ യുവാവ് അറസ്റ്റിൽ. പ്രായപൂർത്തിയാകാത്ത പെൺകുട്ടിയെ നിർബന്ധിച്ച് നഗ്നചിത്രം അയപ്പിച്ചതിനെ തുടർന്നാണ് അറസ്റ്റ്. അടൂർ പഴകുളം പുന്നലത്ത് കിഴക്കേക്കര വീട്ടിൽ സനു(19)വിനെയാണ് അടൂർ പൊലീസ് അറസ്റ്റ് ചെയ്തത്. നിരന്തരമായി പെൺകുട്ടിയെ ശല്യം ചെയ്തിരുന്നുവെന്നും പരാതിയിൽ പറയുന്നു.
പെൺകുട്ടിയുമായി അടുപ്പത്തിലായിരുന്ന യുവാവ് ഫോണിലൂടെ ചിത്രം അയച്ചുതരുവാൻ ആവശ്യപ്പെടുകയിരുന്നു. ആവശ്യപ്പെടുന്ന ഫോട്ടോ നൽകിയില്ലെങ്കിൽ കൈയിലുള്ള ഫോട്ടോ സമൂഹ മാധ്യമത്തിൽ പ്രചരിപ്പിക്കുമെന്നും യുവാവ് ഭീഷണി മുഴക്കിയിരുന്നു. തുടർന്ന് പെൺകുട്ടി വിവരം മാതാപിതാക്കളോട് പറയുകയായിരുന്നു. ഫോട്ടോ വാങ്ങിയതിനും പിന്നീട് ഫോണിൽ സൂക്ഷിച്ചതിനും പോക്സോ, ഇൻഫർമേഷൻ ടെക്നോളജി വകുപ്പ് എന്നിവ പ്രകാരമാണ് കേസ്. ശിശുക്ഷേമ സമിതി നൽകിയ പരാതിയുടെ അടിസ്ഥാനത്തിലാണ് അടൂർ പൊലീസ് കേസെടുത്തത്.