തട്ടുകടയിൽ ഗുണ്ടാവിളയാട്ടം; കട തല്ലിത്തകർത്തതിന് പിന്നാലെ പൂച്ചട്ടികൊണ്ടും സ്റ്റീൽ മഗ് കൊണ്ടും തലക്കടിച്ചു, യുവാവിന് ഗുരുതര പരിക്ക്

പ​ന്ത​ളം: പത്തനംതിട്ട പ​ന്ത​ള​ത്ത് ത​ട്ടു​ക​ടയിൽ ഗുണ്ടാവിളയാട്ടം. കട അക്രമികൾ ത​ല്ലി​ത്ത​ക​ർ​ത്തു. ബു​ധ​നാ​ഴ്ച രാ​ത്രിയിലായിരുന്നു സംഭവം.
ആ​ക്ര​മ​ണ​ത്തി​ൽ യു​വാ​വി​ന്​ ഗു​രു​ത​ര​മാ​യി പ​രി​ക്കേ​റ്റു. തുടർന്ന് മ​ങ്ങാ​രം പാ​ല​ത്ത​ട​ത്തി​ൽ ശ്രീ​കാ​ന്തി​നെ (37) പ​ന്ത​ള​ത്തെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. യുവാവിന്റെ തലക്ക് ഗുരുതര പരിക്കുണ്ട്. വാക്കുതർക്കമാണ് ആക്രമണത്തിലേക്ക് നയിച്ചതെന്ന് പോലീസ് പറഞ്ഞു.

എം.​സി റോ​ഡി​ൽ മ​ണി​ക​ണ്ഠ​ൻ ആ​ൽ​ത്ത​റ​ക്ക്​ സ​മീ​പ​ത്തെ തൃ​പ്തി ത​ട്ടു​ക​ട​യി​ലാ​ണ്​ ആ​ക്ര​മ​ണ​മു​ണ്ടാ​യ​ത്. അ​ക്ര​മി​സം​ഘം ക​ട പൂ​ർ​ണ​മാ​യും ത​ക​ർ​ത്തു. ബു​ധ​നാ​ഴ്ച രാ​ത്രി പ​ത്തി​ന്​ ശ്രീ​കാ​ന്തി​ന്റെ ജ്യേ​ഷ്ഠ​ൻ ശ്രീ​നാ​ഥി​ന്‍റെ ഉ​ട​മ​സ്ഥ​ത​യി​ലു​ള്ള ക​ട​യി​ലെ​ത്തി​യ സം​ഘം, മൂ​ന്ന് ചാ​യ​യും മൂ​ന്ന് ഓം​ലെ​റ്റും ആ​വ​ശ്യ​പ്പെ​ട്ടു. ഇ​തി​ൽ ര​ണ്ട് ചാ​യ മാ​ത്ര​മാ​ണ് ഇ​വ​ർ കു​ടി​ച്ച​ത്.

തു​ട​ർ​ന്ന്​ ര​ണ്ട്​ ചാ​യ​യു​ടെ പ​ണം ന​ൽ​കി മ​ട​ങ്ങാ​ൻ ശ്ര​മി​ച്ച​പ്പോ​ൾ മു​ഴു​വ​ൻ തു​ക​യും ന​ൽ​ക​ണ​മെ​ന്ന് ആ​വ​ശ്യ​പ്പെ​ട്ടു. ഇ​തി​ൽ പ്ര​കോ​പി​ത​രാ​യ സം​ഘം ശ്രീ​നാ​ഥി​നെ​യും ജീ​വ​ന​ക്കാ​ര​നെ​യും പി​ടി​ച്ചു​ത​ള്ളി. ഈ​സ​മ​യം ക​ട​യി​ലു​ണ്ടാ​യി​രു​ന്ന​വ​ർ പ​റ​ന്ത​ലി​ൽ ത​ട്ടു​ക​ട ന​ട​ത്തു​ന്ന സ​ഹോ​ദ​ര​ൻ ശ്രീ​കാ​ന്തി​നെ​യും പൊ​ലീ​സി​നെ​യും വി​വ​ര​മ​റി​യി​ച്ചു. പ​ന്ത​ള​ത്തെ ത​ട്ടു​ക​ട​യി​ൽ എ​ത്തി​യ ശ്രീ​കാ​ന്തി​നെ സം​ഘം വ​ള​ഞ്ഞി​ട്ട് ആ​ക്ര​മി​ച്ചു. നാ​ര​ങ്ങ ഗ്ലാ​സു​കൊ​ണ്ടും പൂ​ച്ച​ട്ടി​കൊ​ണ്ടും സ്റ്റീ​ൽ മ​ഗ് കൊ​ണ്ടും ത​ല​ക്ക്​ ആ​ക്ര​മി​ക്കു​ക​യാ​യി​രു​ന്നു. ശ്രീ​കാ​ന്തി​ന്റെ ത​ല​ക്ക്​ 21 തു​ന്ന​ൽ ഇ​ട്ടു. നി​ല​വി​ൽ തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ചി​കി​ത്സ​യി​ലാ​ണ്.

കടയിൽ ആയിരക്കണക്കിന് രൂപയുടെ നാശനഷ്ടമുണ്ടായിട്ടുണ്ട്. ക​ട​യി​ലെ സാ​ധ​ന​ങ്ങ​ൾ മു​ഴു​വ​ൻ ന​ശി​പ്പി​ക്കു​ക​യും ചെ​യ്തു. പ്രശ്‌നപരിഹാരത്തിന് എത്തിയവരെയും സംഘം മർദിച്ചു. സം​ഭ​വ​ത്തി​നി​ടെ കു​ഴ​ഞ്ഞു​വീ​ണ ശ്രീ​കാ​ന്തി​നെ​യും ശ്രീ​നാ​ഥി​നെ​യും ജീ​വ​ന​ക്കാ​രും ഓ​ടി​ക്കൂ​ടി​യ​വ​രും ചേ​ർ​ന്ന്​ ആ​ശു​പ​ത്രി​യി​ൽ എ​ത്തി​ക്കു​ക​യാ​യി​രു​ന്നു. പ​ന്ത​ളം പൊ​ലീ​സ് എ​ത്തി​യ​പ്പോ​ഴേ​ക്കും അ​ക്ര​മി​സം​ഘം ക​ട​ന്നു​ക​ള​ഞ്ഞു. ആ​ക്ര​മ​ണ​ത്തി​ന്​ പി​ന്നി​ൽ പ​ത്തം​ഗ സം​ഘ​മാ​ണെ​ന്ന് പൊ​ലീ​സ് പ​റ​ഞ്ഞു. കു​ള​ന​ട, ഉ​ള്ള​ന്നൂ​ർ, പാ​ണി​ൽ മേ​ഖ​ല​യി​ലു​ള്ള സ്ഥി​രം ഗു​ണ്ടാ​സം​ഘ​മാ​ണ് പി​ന്നി​ലെ​ന്ന്​ സം​ശ​യി​ക്കു​ന്ന​താ​യും ഇ​വ​ർ പ​റ​ഞ്ഞു. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.