ഫോർട്ട് കൊച്ചിയിൽ MDMA യുമായി യുവാക്കൾ പോലീസ് പിടിയിൽ.പോലീസിന് ലഭിച്ച രഹസ്യവിവരത്തിൻറ അടിസ്ഥാനത്തിൽ ഫോർട്ടുകൊച്ചി സെൻറ് ജോൺ പാട്ടത്തുള്ള രണ്ട് വീടുകളിൽ നടത്തിയ തിരച്ചിലിലാണ് സജീഷ് മനുവേൽ (23), ആദർശ് ജോസഫ് (28) എന്നിവർ പിടിയിലായത്. ഇവരുടെ കയ്യിൽ നിന്ന് യഥാക്രമം 2.71gm എംഡിഎംഎ, 2.62 gm കഞ്ചാവ് & 1.3gm എംഡിഎംഎ, 2.35gm കഞ്ചാവ് എന്നിവയുമായി പിടിയിലായിട്ടുള്ളത്.
കൊച്ചി സിറ്റി പോലീസ് കമ്മീഷണർ പുട്ട വിമലാദിത്യ ഐപിഎസിന്റെ നിർദ്ദേശപ്രകാരം കൊച്ചി സിറ്റി പോലീസ് ഡെപ്യൂട്ടി കമ്മീഷണർ അശ്വതി ജിജി ഐപിഎസ്, മട്ടാഞ്ചേരി അസ്സിസ്റ്റൻറ് പോലീസ് കമ്മീഷണർ ഉമേഷ് ഗോയൽ ഐപിഎസ് എന്നിവരുടെ നേതൃത്വത്തിൽ ഫോർട്ട് കൊച്ചി ഇൻസ്പെക്ടർ ഫൈസൽ എം എസ് സബ്ബ് ഇൻസ്പെക്ടർ നവീൻ എസ്സ്. ജോസഫ് ജേക്കബ്ബ് ASIമാരായ അനിൽ കുമാർ, പ്രിൻസി, SCPO മാരായ സുരേഷ്, എഡ്വിൻ, പ്രീത് മോൻ, ശിവജി, ശ്രീജിത്ത് ടി പി CPO മാരായ ജോൺ, ഉമേഷ്, രാജേഷ്, ബേബിലാൽ, സുനിൽ, രജിത്ത് എന്നിവർ ചേർന്നാണ് പ്രതികളെ പിടികൂടിയത്.