കോഴിക്കോട്: നെല്ലാങ്കണ്ടിയിൽ രോഗിയുമായി പോയ ആംബുലൻസും ലോറിയും കൂട്ടിയിടിച്ച് അപകടം. താമരശ്ശേരി താലൂക്ക് ആശുപത്രിയിൽ നിന്നും കോഴിക്കോട് മെഡിക്കൽ കോളേജ് ആശുപത്രിയിലേക്ക് രോഗിയുമായി പോയ 108 ആംബുലൻസും ലോറിയും തമ്മിൽ കൂട്ടിയിടിച്ചാണ് അപകടമുണ്ടായത്. ഇടിയുടെ ആഘാതത്തിൽ ആംബുലൻസിന്റെ മുൻഭാഗം തകർന്നു. വാഹനത്തിലുണ്ടായിരുന്ന രോഗിക്ക് പരിക്കുകൾ ഒന്നുമില്ല എന്നത് ആശ്വാസമാണ്. രോഗിയെ മറ്റൊരു ആംബുലൻസ് എത്തിച്ച ശേഷം മെഡിക്കൽ കോളേജിൽ പ്രവേശിപ്പിച്ചു.