നിമിഷപ്രിയയുടെ മോചനത്തിനെന്ന പേരില് പണം പിരിച്ച മനുഷ്യാവകാശ പ്രവര്ത്തകന് സാമുവല് ജെറോമിനെതിരെ കൊല്ലപ്പെട്ട തലാലിന്റെ സഹോദരന് ഫത്താഹ് അബ്ദുള് മഹ്ദി രംഗത്ത്. ബിബിസിയില് അവകാശപ്പെട്ടത് പോലെ സാമുവല് ജെറോം അഭിഭാഷകനല്ലെന്നാണ് അദ്ദേഹം സോഷ്യൽ മീഡിയയിൽ വ്യക്തമാക്കിയത്.
അതേസമയം മധ്യസ്ഥതയുടെ പേരില് സാമുവല് ജെറോം പണം പിരിക്കുകയാണെന്നും എന്നാല് ഇയാള് മധ്യസ്ഥതയ്ക്കായി തങ്ങളെ ഇതുവരെ കണ്ടിട്ടില്ലെന്നും മഹ്ദി സോഷ്യൽ മീഡിയയിൽ വ്യക്തമാക്കി. ‘നിരവധി പ്ലാറ്റ്ഫോമുകളില് നിന്നും മധ്യസ്ഥതയുടെ പേരില് എണ്ണമില്ലാത്ത അത്രയും പണം അദ്ദേഹം ശേഖരിക്കുകയാണ്. പുതുതായി 40000 ഡോളറാണ് ശേഖരിച്ചത്. ഈ വിഷയത്തില് അദ്ദേഹം ഞങ്ങളെ കാണുകയോ ഒരു ടെക്സ്റ്റ് മെസേജിലൂടെ ബന്ധപ്പെടുകയോ ചെയ്തിട്ടില്ല, മറിച്ചാണെന്ന് തെളിയിക്കാന് ഞാന് അദ്ദേഹത്തെ വെല്ലുവിളിക്കുന്നു’ എന്നും അദ്ദേഹം പറഞ്ഞു.
എന്നാൽ നേരത്തെ സാമുവല് ജെറോമിനെതിരെ വിമര്ശനവുമായി സേവ് നിമിഷപ്രിയ ഇന്റര്നാഷണല് ആക്ഷന് കൗണ്സില് നിയമസമിതി കണ്വീനര് അഡ്വ. സുഭാഷ് ചന്ദ്രനും രംഗത്തെത്തിയിരുന്നു. ‘സാമുവല് ജെറോമിന് എന്ത് റിസള്ട്ട് ഉണ്ടാക്കാന് സാധിച്ചു? സാമുവലിന് 44,000 ഡോളര് നല്കി. അത് എന്തിനാണ് ഉപയോഗിച്ചതെന്ന് അറിയിച്ചിട്ടില്ല. ദയവുചെയ്ത് മോചനശ്രമങ്ങളെ പരാജയപ്പെടുത്തരുത്’, എന്നാണ് സുഭാഷ് ചന്ദ്രന് പറഞ്ഞത്.