കൊച്ചി: സംസ്ഥാനത്ത് സ്വര്ണവിലയില് ഇന്ന് നേരിയ കുറവ്. പവന് 360 രൂപയാണ് ഇന്ന് കുറഞ്ഞത്. ഗ്രാമിന് 45 രൂപ താഴ്ന്ന് 9,100 രൂപയിലെത്തി. വിപണിയിൽ ഒരു പവൻ സ്വർണത്തിന്റെ ഇന്നത്തെ വില 72,800 രൂപയാണ്. കഴിഞ്ഞ കുറെ ദിവസങ്ങളിലായി ഏറിയും കുറഞ്ഞും നില്ക്കുകയായിരുന്ന സ്വര്ണവില വെള്ളിയാഴ്ച മുതലാണ് വീണ്ടും കുതിച്ചുയരാന് തുടങ്ങിയത്. കഴിഞ്ഞ ദിവസങ്ങളില് 1240 രൂപ വര്ധിച്ച ശേഷമാണ് ഇന്നത്തെ ഇടിവ്. ഈ മാസത്തിന്റെ തുടക്കത്തില് 72,160 രൂപയായിരുന്നു ഒരു പവന് സ്വര്ണത്തിന്റെ വില.
വിലകുറഞ്ഞത് ആശ്വാസമാണെങ്കിലും വരും ദിവസങ്ങളിൽ വിപണിവില ഉയർന്നേക്കുമെന്ന ആശങ്കയിലാണ് ഉപഭോക്താക്കൾ. അടുത്ത മാസം വിവാഹ സീസണ് ആരംഭിക്കാനിരിക്കെ ജ്വല്ലറികളില് മുന്കൂര് ബുക്കിംഗ് സജീവമായിട്ടുണ്ട്. സ്വര്ണവില അടിക്കടി ഉയര്ന്നു തുടങ്ങിയതോടെ പലരും മുന്കൂര് ബുക്കിംഗിലേക്ക് മാറിയിട്ടുണ്ട്. അമേരിക്കയുടെ നികുതി പ്രഖ്യാപനവും വ്യാപരകരാറുകളുമെല്ലാം സ്വർണവിലയെ സ്വാധീനിച്ചിട്ടുണ്ട്.