മോസ്കോ: റഷ്യയില് വന് ഭൂചലനം. ജപ്പാനിലും യുഎസിലും സൂനാമി മുന്നറിയിപ്പ് നല്കി. റഷ്യയുടെ കിഴക്കന് തീരത്താണു ഭൂകമ്പമുണ്ടായത്. തീവ്രത എട്ട് രേഖപ്പെടുത്തിയ ഭൂചലനത്തില് നാശനഷ്ടങ്ങള് ഇതുവരെ റിപ്പോര്ട്ട് ചെയ്തിട്ടില്ല. ജപ്പാനില് നിന്ന് 250 കിലോമീറ്റര് അകലെയാണ് ഭൂകമ്പം ഉണ്ടായത്.
അലാസ്കയിലും ഹവായിയിലും യുഎസ് അധികൃതര് സൂനാമി മുന്നറിയിപ്പ് നല്കിയിട്ടുണ്ട്. പസഫിക് സമുദ്രത്തില് ഒരു മീറ്റര് ഉയരത്തില് തിരമാലകള് ഉണ്ടാകുമെന്ന് ജപ്പാന് അധികൃതര് മുന്നറിയിപ്പ് നല്കി. ഈ മാസം നിരവധി ചെറു ഭൂചലനങ്ങള് റഷ്യയിലുണ്ടായിരുന്നു. അവയിലൊന്നും തന്നെ വലിയ നാശനഷ്ടങ്ങള് റിപ്പോര്ട്ട് ചെയ്തിരുന്നില്ല.