തിരുവനന്തപുരം: എന് പ്രശാന്ത് ഐഎഎസിനെതിരെ അന്വേഷണം പ്രഖ്യാപിച്ച് സര്ക്കാര്. മുതിർന്ന ഐഎഎസ് ഉദ്യോഗസ്ഥരെ സമൂഹ മാധ്യമങ്ങളിൽ അധിക്ഷേപിച്ചുവെന്ന് കാട്ടി ആണ് അന്വേഷണം. സസ്പെന്ഡ് ചെയ്ത് 9 മാസങ്ങള്ക്ക് ശേഷമാണ് പ്രശാന്തിനെതിരെ നടപടി.
അതേസമയം മുതിർന്ന ഐഎഎസ് ഉദ്യോഗസ്ഥരെ സമൂഹ മാധ്യമങ്ങളിൽ അധിക്ഷേപിച്ചതിലാണ് സർക്കാർ അന്വേഷണം നടത്താനൊരുങ്ങുന്നത് എന്നാണ് പുറത്തു വരുന്ന റിപ്പോർട്ട്. അഡീ ചീഫ് സെക്രട്ടറി രാജന് ഖൊബ്രഗഡെ ആണ് അന്വേഷണ ഉദ്യോഗസ്ഥന്. പ്രിന്സിപ്പൽ സെക്രട്ടറി ടിങ്കു ബിസ്വാള് ആണ് പ്രസന്റിംഗ് ഓഫീസര്.
എന്നാൽ കുറ്റപത്ര മെമ്മോക്ക് പ്രശാന്ത് നല്കിയ മറുപടി തള്ളുന്നതായി അന്വേഷണ ഉത്തരവിൽ വ്യക്തമാക്കി. മെമ്മോയിലെ കുറ്റങ്ങള് എല്ലാം നിഷേധിച്ചുവെന്നും ഇതിന് പറയുന്ന ന്യായങ്ങള് അംഗീകരിക്കാൻ കഴിയില്ലെന്നും സര്ക്കാർ അറിയിച്ചു.