തിരുവനന്തപുരം: കേരള സര്വകലാശാല രജിസ്ട്രാര് ഡോ. കെ എസ് അനില് കുമാറിനെതിരെ വി സി മോഹനന് കുന്നുമ്മല് രാജ്ഭവനെ സമീപിച്ചു.
രജിസ്ട്രാര് അനില് കുമാറിനെതിരെ നിലപാട് കടുപ്പിക്കുകയാണ് വി സി മോഹനന് കുന്നുമ്മല്.
തന്റെ നിര്ദേശം മറികടന്ന് അനധികൃതമായാണ് കെ എസ് അനില് കുമാര് സര്വകലാശാലയില് എത്തിയതെന്ന് ചൂണ്ടിക്കാട്ടി വിസി രാജ്ഭവന് റിപ്പോര്ട്ട് നല്കി.
അനില് കുമാർ അയച്ച ഫയലുകള് വി സി തിരിച്ചയച്ചു. അതേസമയം തന്നെ രജിസ്ട്രാര് ഇന് ചാര്ജുള്ള ഡോ. മിനി കാപ്പന് അയച്ച ഫയലുകള് വി സി അംഗീകരിക്കുകയും ചെയ്തു.
രജിസ്ട്രാര് ഇന് ചാര്ജ് എന്ന നിലയിലാണ് മിനി കാപ്പന് അയച്ച ഫയലുകള് വിസി അംഗീകരിച്ചത്. രജിസ്ട്രാര്ക്കുള്ള ഇ-ഫയലുകള് അനില് കുമാറിന് അയയ്ക്കരുതെന്ന് ചൂണ്ടിക്കാട്ടി വി സി ഇന്നലെ ഉത്തരവ് പുറപ്പെടുവിച്ചിരുന്നു.