കോട്ടയ്ക്കൽ: കോട്ടയ്ക്കലിൽ പോലീസും ഡാന്സാഫ് സ്ക്വാഡും സംയുക്തമായി നടത്തിയ പരിശോധനയിൽ ലഹരിവസ്തുക്കളുമായി മൂന്ന് യുവാക്കൾ പിടിയിൽ. 74 ഗ്രാം എംഡിഎംഎയുമായി വേങ്ങര സ്വദേശികളായ മൂന്നു പേരാണ് അറസ്റ്റിലായത്. വേങ്ങര ചെറൂർ സ്വദേശികളായ ആലുക്കല് സഫ് വാന്(29), മിനി കാപ്പിൽ താമസിക്കുന്ന മുട്ടുപറമ്പന് അബ്ദുള് റൗഫ്(28), വേങ്ങര എസ് എസ് റോഡിൽ താമസിക്കുന്ന കോലേരി ബബീഷ് (34) എന്നിരാണ് കുടുങ്ങിയത്.
മൈത്രിനഗര് റോഡിലെ ഫ്ലാറ്റില് നിന്നാണ് പ്രതികളെയും എംഡിഎംഎയും പിടികൂടിയത്. കോട്ടയ്ക്കല് എസ് ഐ. പി.ടി. സെയ്ഫുദ്ദീന്, പെരിന്തല്മണ്ണ ,മലപ്പുറം ഡാന്സാഫ് സ്ക്വാഡ് എന്നിവരടങ്ങുന്ന സംഘം നടത്തിയ പരിശോധനയിലാണ് പ്രതികൾ അറസ്റ്റിലായത്.