കാലിഫോർണിയ: ആറ് പേരുമായി പോയ ഇരട്ട എഞ്ചിൻ വിമാനം കാലിഫോർണിയയിലെ സാൻ ഡീഗോ തീരത്തിന് സമീപം പസഫിക് സമുദ്രത്തിൽ തകർന്നു വീണു. ഞായറാഴ്ച ഉച്ചയ്ക്ക് 12:30 ഓടെ പോയിന്റ് ലോമ പെനിൻസുലയുടെ തീരത്ത് വിമാനം തകർന്നുവീണെന്നാണ് റിപ്പോർട്ടുകൾ. അമേരിക്കൻ കോസ്റ്റ് ഗാർഡ് ഉൾപ്പെടെയുള്ള രക്ഷാപ്രവർത്തകർ വിമാനത്തിനായി തെരച്ചിൽ ആരംഭിച്ചു. ഞായറാഴ്ച ഉച്ചയ്ക്ക് 12:30 ഓടെ പോയിന്റ് ലോമ പെനിൻസുലയുടെ തീരത്ത് വിമാനം തകർന്നുവീണെന്നാണ് വാർത്താ ഏജൻസികൾ റിപ്പോർട്ട് ചെയ്യുന്നത്. വിമാനത്തിലുണ്ടായിരുന്നത് ആരൊക്കെയായിരുന്നു എന്ന കാര്യത്തിലും ഇനിയും വ്യക്തതയില്ല.
ഏകദേശം 200 അടി ആഴത്തിലേയ്ക്കാവാം വിമാനം പതിച്ചിട്ടുണ്ടാവുകയെന്ന് കോസ്റ്റ് ഗാർഡ് ഉദ്യോഗസ്ഥർ പറയുന്നു. അതേസമയം, അപകടത്തിലേക്ക് നയിച്ച കാരണത്തെക്കുറിച്ച് എഫ്എഎയും അമേരിക്കൻ നാഷണൽ ട്രാൻസ്പോർട്ടേഷൻ സേഫ്റ്റി ബോർഡും അന്വേഷണം ആരംഭിച്ചു. ഇതുവരെ തിരിച്ചറിയാൻ കഴിയാത്ത ആറ് പേർക്കായുള്ള തിരച്ചിൽ തുടർന്നു.
വിറ്റാമിനുകളുടെയും പോഷക സപ്ലിമെന്റുകളുടെയും നിർമ്മാതാക്കളായ ഒപ്രൈമൽ ഹെൽത്ത് സിസ്റ്റംസാണ് വിമാനത്തിന്റെ ഉടമയെന്ന് റിപ്പോർട്ടുകൾ സൂചിപ്പിക്കുന്നു. അരിസോണ ആസ്ഥാനമായുള്ള കമ്പനി അഭിപ്രായത്തിനുള്ള അഭ്യർത്ഥനയോട് ഉടൻ പ്രതികരിച്ചില്ലെന്നും അവർ കൂട്ടിച്ചേർത്തു.
വിമാനം തകർന്നുവീഴുമ്പോൾ കടലിൽ സർഫിംഗ് നടത്തുകയായിരുന്ന ഒരു ദൃക്സാക്ഷി എൻബിസി 7 നോട് പറഞ്ഞതനുസരിച്ച്, വിമാനം ഒരു ചരിവിൽ കൂപ്പുകുത്തുന്നതും പിന്നീട് മേഘങ്ങളിലേക്ക് പറന്ന് വീണ്ടും ഡൈവ് ചെയ്ത് വെള്ളത്തിലേക്ക് കൂപ്പുകുത്തുകയും ചെയ്തതായാണ് വിവരം. “അടുത്ത തവണ അത് മേഘങ്ങളിൽ നിന്ന് പുറത്തുവന്നപ്പോൾ, അത് നേരെ വെള്ളത്തിലേക്ക് പോയി. പക്ഷേ, ഏകദേശം ആറ് സെക്കൻഡുകൾക്ക് ശേഷം ഈ സ്പ്ലാഷ് കണ്ടപ്പോൾ, അത് പൂർണ്ണമായും നിശബ്ദമായിരുന്നു. അവർ വെള്ളത്തിലേക്ക്, ആദ്യം, ഉയർന്ന വേഗതയിൽ പോയെന്ന് എനിക്കറിയാമായിരുന്നു,” ദൃക്സാക്ഷി പറഞ്ഞതായി അസോസിയേറ്റഡ് പ്രസ് റിപ്പോർട്ട് ചെയ്തു.