തൃശൂർ: തൃശൂർ പ്ലാഴി സംസ്ഥാന പാതയില് സ്കൂട്ടര് നിയന്ത്രണം വിട്ട് കാനയിലേക്ക് മറിഞ്ഞ് യുവാവിന് ദാരുണാന്ത്യം. വെങ്ങാനെല്ലൂര് സ്വദേശി മിഥുന് (28) ആണ് മരിച്ചത്. ശനിയാഴ്ച രാത്രിയോടെയായിരുന്നു അപകടം. നിയന്ത്രണംവിട്ട സ്കൂട്ടര് ചേലക്കോട് പാതയോരത്തെ കാനയിലേക്ക് മറിഞ്ഞ നിലയില് കണ്ടെത്തുകയായിരുന്നു. തുടർന്ന് നാട്ടുകാർ നടത്തിയ തിരച്ചിലിലാണ് ഗുരുതരമായി പരിക്കേറ്റ മിഥുൻ കാനയിൽ കിടക്കുന്നത് കണ്ടത്.
ചേലക്കര ഭാഗത്തുനിന്ന് പഴയന്നൂര് ഭാഗത്തേക്ക് പോവുകയായിരുന്നു മിഥുന്. ഉടന്തന്നെ നാട്ടുകാരും പോലീസും ചേര്ന്ന് മിഥുനെ ചേലക്കര ഗവ. താലൂക്ക് ആശുപത്രിയിലും തുടര്ന്ന് ജീവോദയ ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം ചേലക്കര സ്വകാര്യ ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.