മലപ്പുറം: യു.ഡി.എഫുമായി മുന്നോട്ട് പോകേണ്ട സാഹചര്യം വന്നാൽ മുന്നോട്ട് പോകുമെന്ന് അൻവർ പറഞ്ഞു. യു.ഡി.എഫിലേക്ക് എടുത്താൽ ബേപ്പൂരിൽ മുഹമ്മദ് റിയാസിനെതിരെ മത്സരിക്കുമെന്നാണ് അൻവറിന്റെ വെല്ലുവിളി.
പിണറായിയും മരുമോനിസവുമാണ് ഇവിടുത്തെ വിഷയം, സ്വരാജിന് അത് ഇനിയും മനസ്സിലായില്ലെങ്കിൽ പശ്ചിമ ബംഗാളിലെ അവസ്ഥ ഇവിടെയും വരുമെന്ന് അദ്ദേഹം വിമർശിച്ചു.
വി ഡി സതീശനോട് ചര്ച്ചയ്ക്ക് മടിയില്ലെന്നും അദ്ദേഹം പറഞ്ഞു. രാഷ്ട്രീയം എന്ന് പറയുന്നത് ഒരു നിമിഷം കൊണ്ട് അവസാനിക്കുന്നതല്ല. എല്ലാവരും ഒരേ പോരാട്ടത്തിന്റെ ഭാഗമാണ്.
നല്ലൊരു തീരുമാനത്തിലേക്ക്, മാന്യമായൊരു അക്കൊമഡേഷനിലേക്ക് വരികയാണെങ്കില് മരുമോനിസത്തിന്റെ വേരറുക്കാന്, 2026 മേയില് നടക്കുന്ന തിരഞ്ഞെടുപ്പില് ബേപ്പൂരില് ഞാന് മത്സരിക്കും. അവര് ആലോചിക്കട്ടെ – അദ്ദേഹം പറഞ്ഞു.