എറണാകുളം പാലാരിവട്ടത്ത് വൻ രാസലഹരി വേട്ട, രണ്ടു യുവാക്കൾ അറസ്റ്റിൽ. പത്തനംതിട്ട സ്വദേശി അശ്വിൻ വിജയ് (23), കോട്ടയം സ്വദേശി അക്ബർ ഖാൻ (24) എന്നിവരുടെ കയ്യിൽനിന്നും വില്പനയ്ക്കായി കൊണ്ടുവന്ന എംഡിഎംഎ കൊച്ചി സിറ്റി പോലീസ് കമ്മിഷർ പുട്ടവിമലദിത്യയ്ക്ക് ലഭിച്ച രഹസ്യ വിവരത്തിൻ്റെ അടിസ്ഥാനത്തിൽ നടത്തിയ പരിശോധനയിലാണ് പിടികൂടിയത്.
ഡിസിപി അശ്വതി ജിജി, നർകോർട്ടിക് സെൽ എ സി പി അബ്ദുൽ സലാം എന്നിവരുടെ നേതൃത്വത്തിലുള്ള ഡാൻസഫ് SI യും, ടീമംഗങ്ങളും നടത്തിയ പരിശോധനയിലാണ് 106 ഗ്രാം MDMA യുമായി പ്രതികൾ പിടിയിലായത്. ഷോൾഡർ ബാഗിലും, പോക്കറ്റിലുമായി സൂക്ഷിച്ച നിലയിലായിരുന്നു MDMA. ഇവർ ബാംഗ്ലൂരിലെ മൊത്ത വിപണക്കാരിൽ നിന്നും MDMA എടുത്ത് കൊണ്ട് വരവേയാണ് ഡാൻസഫ് സംഘത്തിൻ്റെ പിടിയിലായത്.
കലൂർ, പാലാരിവട്ടം ഭാഗങ്ങളിലെ യുവാക്കൾ താമസിക്കുന്ന ഹോസ്റ്റലുകൾ കേന്ദ്രീകരിച്ച് ചില്ലറ വിൽപ്പന നടത്തുകയാണ് പ്രതികൾ ചെയ്തുവരുന്നത്. മയക്കുമരുന്നിൻ്റെ ഉറവിടത്തെ കുറിച്ചും മറ്റും കൂടുതൽ അന്വേഷണം നടത്തി വരികയാണ്.