കൊച്ചി: വിജിലന്സ് രജിസ്റ്റര് ചെയ്ത കൈക്കൂലി കേസില് എന്ഫോഴ്സ്മെന്റ് ഡയറക്ടറേറ്റ് ഉദ്യോഗസ്ഥന്റെ അറസ്റ്റ് ഹൈക്കോടതി തടഞ്ഞതായി റിപ്പോർട്ട്. ഇ ഡി കൊച്ചി യൂണിറ്റിലെ അസിസ്റ്റന്റ് ഡയറക്ടര് ശേഖര് കുമാറിന്റെ അറസ്റ്റാണ് ഹൈക്കോടതി തടഞ്ഞത്.
അതേസമയം ശേഖര് കുമാറിന്റെ മുന്കൂര് ജാമ്യാപേക്ഷയില് വിജിലന്സിന് സിംഗിള് ബെഞ്ച് നോട്ടീസയച്ചു. പത്ത് ദിവസത്തിനകം മറുപടി നല്കാനാണ് വിജിലന്സിന് ഹൈക്കോടതിയുടെ നിര്ദ്ദേശം എന്നാണ് പുറത്തുവരുന്ന റിപ്പോർട്ട്.
ജസ്റ്റിസ് പി ജി അജിത് കുമാര് അധ്യക്ഷനായ സിംഗിള് ബെഞ്ചിന്റേതാണ് നടപടി. കേസില് നിന്ന് ഒഴിവാക്കാന് ഇ ഡി ഉദ്യോഗസ്ഥര് രണ്ട് കോടി രൂപ കൈക്കൂലി ആവശ്യപ്പെട്ടു എന്നാണ് കൊട്ടാരക്കരയിലെ കശുവണ്ടി വ്യവസായി അനീഷ് ബാബുവിന്റെ പരാതി. കേസില് ശേഖര് കുമാര് ഒന്നാം പ്രതിയാണ്