തിരുവനന്തപുരം: സംസ്ഥാനത്ത് മഴ മുന്നറിയിപ്പില് മാറ്റം. പതിനാല് ജില്ലകളിലും യെല്ലോ അലേര്ട്ട് പ്രഖ്യാപിച്ചു എന്നാണ് പുറത്തു വരുന്ന റിപ്പോർട്ട്. നേരത്തേ തിരുവനന്തപുരം, കൊല്ലം ജില്ലകള് ഒഴികെയുള്ള ജില്ലകളിലായിരുന്നു യെല്ലോ അലേര്ട്ട് പ്രഖ്യാപിച്ചിരുന്നത്.
അതേസമയം സംസ്ഥാനത്ത് നാളെ കാലവര്ഷമെത്തുമെന്നാണ് പ്രവചനം. നാളെ കണ്ണൂര്, കാസര്കോട് ജില്ലകളില് ഓറഞ്ച് അലേര്ട്ടാണ്. ഞായറാഴ്ച കോഴിക്കോട്, വയനാട്, കണ്ണൂര്, കാസര്കോട് ജില്ലകളിലും തിങ്കളാഴ്ച തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലും ഓറഞ്ച് അലേര്ട്ട് പ്രഖ്യാപിച്ചിരിക്കുകയാണ്.