കൊച്ചി: തൃശ്ശൂര് കരുവന്നൂര് സഹകരണ ബാങ്ക് വായ്പ തട്ടിപ്പ് കേസില് എന്ഫോഴ്സ്മെന്റ് ഡയറക്ടറേറ്റ് അന്തിമ കുറ്റപത്രം കോടതിയില് സമര്പ്പിച്ചതായി റിപ്പോർട്ട്. സിപി ഐഎം പാര്ട്ടിയെയും തൃശ്ശൂര് ജില്ലയിലെ മൂന്ന് മുന് സിപിഐഎം ജില്ലാ സെക്രട്ടറിമാരെയടക്കം പ്രതികളാക്കിയാണ് കുറ്റപത്രം.
അതേസമയം അന്തിമ കുറ്റപത്രത്തില് പുതുതായി 27 പ്രതികള് കൂടി എന്നാണ് പുറത്തു വരുന്ന വിവരം. ഇതോടെ മൊത്തം പ്രതികള് 83ആയി. പ്രതികൾ തട്ടിപ്പ് വഴി സമ്പാദിച്ചത് 180 കോടിയാണെന്ന് ഇ ഡി റിപ്പോര്ട്ടില് വ്യക്തമാക്കുന്നു. പ്രതികളുടെ സ്വത്തുക്കളില് നിന്നും എന്ഫോഴ്സ്മെന്റ് ഡയറക്ടറേറ്റ് കണ്ടുകെട്ടിയത് 128 കോടി രൂപയാണെന്നും റിപ്പോര്ട്ടിലുണ്ട്.