എറണാകുളം ടൗൺ സൗത്ത് പോലീസ് സ്റ്റേഷനിൽ രജിസ്റ്റർ ചെയ്ത ലഹരി മരുന്ന് കേസ്സിലെ മുഖ്യപ്രതി പോലീസിന്റെ പിടിയിൽ.
കണ്ണൂർ സ്വദേശിയായ മുഹമ്മദ് തസ്ലിം (33) ആണ് എറണാകുളം ടൗൺ സൗത്ത് പോലീസിൻ്റെ പിടിയിലായത്.
എറണാകുളം ടൗൺ സൗത്ത് പോലീസ് സ്റ്റേഷനിൽ രജിസ്റ്റർ ചെയ്ത രാസലഹരി കേസ്സിൽ അറസ്റ്റിലായ പ്രതികളിൽ നിന്നും ലഭിച്ച വിവരത്തിന്റെ അടിസ്ഥാനത്തിലാണ് ഇയാളെ പിടികൂടിയത്. ഗോവയിൽ നിന്നുമാണ് ഇയാൾ ഇടനിലക്കാർക്ക് രാസലഹരി എത്തിച്ച് നൽകുന്നത്. ഇയാൾക്ക് അന്തരാഷ്ട്ര മയക്കുമരുന്ന് സംഘങ്ങളുമായി ബന്ധമുള്ളതായി സംശയിക്കുന്നുണ്ട്.
ഇയാൾ ഗോവയിൽ നിന്നും കേരളത്തിലേക്ക് വരുന്നുണ്ടെന്ന് എറണാകുളം എ.സി.പി. പി.രാജ്കുമാറിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ എറണാകുളം ടൗൺ സൗത്ത് പോലീസ് സ്റ്റേഷൻ സബ് ഇൻസ്പെക്ടർ ശരത്തിൻ്റെ നേതൃത്വത്തിലുള്ള പോലിസ് സംഘമാണ് പ്രതിയെ കസ്റ്റഡിയിൽ എടുത്തത്. കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.