സൗദി: കൊലപാതക കേസില് സൗദി ജയിലില് കഴിയുന്ന കോഴിക്കോട് ഫറോഖ് സ്വദേശി അബ്ദുല് റഹീം മോചനത്തിലേക്കെന്ന് റിപ്പോർട്ട്. റഹീം 20 വര്ഷം തടവ് ശിക്ഷ അനുഭവിക്കണമെന്ന് റിയാദ് കോടതി ഇന്ന് ഉത്തരവിട്ടു. എന്നാല് 19 വര്ഷമായി ജയിലില് കഴിയുന്ന റഹീമിന് ഒരു വര്ഷം കൂടി തടവ് ശിക്ഷ അനുഭവിച്ചാല് മതി എന്നാണ് ലഭിക്കുന്ന വിവരം.
അതേസമയം അങ്ങനെ വരുമ്പോള് അടുത്ത വര്ഷം ഡിസംബറോടെ റഹീമിന് മോചനമുണ്ടാകും എന്നാണ് പുറത്തു വരുന്ന റിപ്പോർട്ട്. പബ്ലിക് റൈറ്റ് പ്രകാരമാണ് കോടതിയുടെ ഉത്തരവ്. വിധി ജഡ്ജി വാക്കാല് പരാമര്ശിക്കുകയായിരുന്നു. കേസ് 12 തവണ മാറ്റിവെച്ചതിന് ശേഷമാണ് ഇന്ന് പരിഗണിച്ചത്.